യുകെയിൽ യുഎസ് സൈനികരുടെ കോർട്ട് മാർഷൽ വിചാരണയ്ക്കെതിരെ പ്രതിഷേധം.
ലണ്ടൻ: യുകെയിലെ മണ്ണിൽ വെച്ച് യുഎസ് സൈനികർ നടത്തുന്ന കുറ്റകൃത്യങ്ങളിൽ അവരെ ബ്രിട്ടീഷ് നിയമവ്യവസ്ഥയ്ക്ക് വിട്ടുനൽകാതെ അമേരിക്കൻ സൈനിക കോടതികൾ (കോർട്ട് മാർഷൽ) വിചാരണ ചെയ്യുന്നതിനെതിരെ യുകെയിൽ പ്രതിഷേധവും പരിശോധനകളും ശക്തമാകുന്നു. നിലവിൽ യുകെയിലെ 15 സൈനിക താവളങ്ങളിലായി പന്ത്രണ്ടായിരത്തിലധികം യുഎസ് സൈനികർ ജോലി ചെയ്യുന്നുണ്ട്. ഔദ്യോഗിക ഡ്യൂട്ടിയിലില്ലാത്ത സമയത്ത് ബ്രിട്ടീഷ് പൗരന്മാർക്കെതിരെ നടത്തുന്ന കുറ്റകൃത്യങ്ങളിൽ പോലും പലപ്പോഴും ബ്രിട്ടീഷ് പോലീസിനെ മറികടന്ന് യുഎസ് സൈനികർ രക്ഷപ്പെടുന്നത് വലിയ ചർച്ചകൾക്ക് വഴിവെച്ചിരിക്കുകയാണ്.
ഇത്തരം പ്രതികളുടെ വിചാരണ ബ്രിട്ടീഷ് ക്രിമിനൽ കോടതികൾക്ക് പകരം കനത്ത സുരക്ഷയുള്ള യുഎസ് സൈനിക താവളങ്ങൾക്കുള്ളിലെ പ്രത്യേക സൈനിക കോടതികളിലാണ് നടക്കുന്നത്. പൊതുജനങ്ങൾക്ക് ഈ കോടതി നടപടികൾ നേരിട്ട് കാണാനോ കേൾക്കാനോ അനുമതിയുണ്ടാകാറില്ല. സൈന്യത്തിനുള്ളിലെ അച്ചടക്കവും ഉത്തരവാദിത്തവും ഉറപ്പാക്കാനാണ് കോർട്ട് മാർഷൽ സംവിധാനമെന്ന് അമേരിക്ക അവകാശപ്പെടുന്നു. യുഎസ് സൈന്യത്തിന്റെ സ്വന്തം നിയമസംഹിതയായ ‘യൂണിഫോം കോഡ് ഓഫ് മിലിട്ടറി ജസ്റ്റിസ്’ പ്രകാരമാണ് ഇവിടെ വിധികൾ നിർണ്ണയിക്കുന്നത്.
രണ്ടാം ലോകമഹായുദ്ധ കാലം മുതൽക്കേ യുകെയിൽ യുഎസ് സൈനിക താവളങ്ങൾ പ്രവർത്തിക്കുന്നുണ്ട്. ഇതിനായി 1951-ൽ ഇരുരാജ്യങ്ങളും ഒപ്പുവെച്ച ‘സ്റ്റാറ്റസ് ഓഫ് ഫോഴ്സ്’ കരാറാണ് ഇപ്പോഴത്തെ ഈ സങ്കീർണ്ണാവസ്ഥയ്ക്ക് കാരണം. ഔദ്യോഗിക ഡ്യൂട്ടിക്കിടെയോ മറ്റ് യുഎസ് സൈനികർക്കെതിരെയോ നടത്തുന്ന കുറ്റകൃത്യങ്ങളിൽ യുഎസിന് വിചാരണാധികാരം നൽകുന്നതാണ് ഈ കരാർ.
എന്നാൽ മറ്റ് സാധാരണ കേസുകളിൽ ബ്രിട്ടീഷ് പോലീസിനാണ് ആദ്യ അന്വേഷണാധികാരമെങ്കിലും, പ്രായോഗികതലത്തിൽ അമേരിക്കൻ അധികൃതരുടെ ആവശ്യങ്ങൾക്ക് മുന്നിൽ ബ്രിട്ടീഷ് പോലീസും പ്രൊസിക്യൂട്ടർമാരും തങ്ങളുടെ അധികാരം സ്വമേധയാ വിട്ടുകൊടുക്കുകയാണ് ചെയ്യുന്നത്.. കേസ് ഏറ്റെടുക്കാൻ യുഎസ് സൈന്യം ഔദ്യോഗിക സർട്ടിഫിക്കറ്റ് സമർപ്പിച്ചെങ്കിലും ബ്രിട്ടീഷ് പ്രൊസിക്യൂഷൻ അതിനെ നിയമപരമായി നേരിട്ട് റദ്ദാക്കുകയായിരുന്നു. തുടർന്ന് നോർവിച്ച് ക്രൗൺ കോടതിയിൽ നടന്ന വിചാരണയ്ക്കൊടുവിൽ ജാഗ്രതക്കുറവ് മൂലമുള്ള മരണക്കുറ്റത്തിൽ നിന്നും ഹെയ്സിനെ കോടതി വെറുതെ വിട്ടു.
