ടാക്സ് ബ്രേക്ക് ടാർട്ടും” കോവിഡ് കാലത്തെ ‘സ്കോച്ച് എഗ്ഗ്’ വിവാദവും: താൽക്കാലിക ടോക്കൺ പ്രഖ്യാപനങ്ങൾ കൊണ്ട് കാര്യമില്ലെന്നും വാറ്റ് നികുതി സ്ഥിരമായി 10 ശതമാനമായി കുറയ്ക്കണമെന്നും ഹോസ്പിറ്റാലിറ്റി മേഖല.

ലണ്ടൻ: യുകെയിൽ സാമ്പത്തിക പ്രതിസന്ധി നേരിടുന്ന ഹോസ്പിറ്റാലിറ്റി മേഖലയെ സഹായിക്കാനും കുടുംബങ്ങളുടെ ചിലവ് കുറയ്ക്കാനുമായി സർക്കാർ പ്രഖ്യാപിച്ച കുട്ടികളുടെ ഭക്ഷണത്തിനുള്ള താൽക്കാലിക വാറ്റ് (VAT) ഇളവ് വൻ വിവാദങ്ങൾക്കും പരിഹാസങ്ങൾക്കും വഴിവെക്കുന്നു. ‘ഗ്രേറ്റ് ബ്രിട്ടീഷ് സമ്മർ സേവിംഗ്സ് സ്കീം’ പ്രകാരം ജൂൺ 25 മുതൽ സെപ്റ്റംബർ 1 വരെ 18 വയസ്സിൽ താഴെയുള്ളവരുടെ ഭക്ഷണത്തിനുള്ള വാറ്റ് നികുതി 20 ശതമാനത്തിൽ നിന്ന് 5 ശതമാനമായി ചാൻസലർ റേച്ചൽ റീവ്സ് കുറച്ചിരുന്നു.

കോവിഡ് കാലത്ത് പബ്ബുകളിൽ മദ്യം വിളമ്പാൻ ‘സ്കോച്ച് എഗ്ഗ്’ നിർബന്ധമാക്കിയതുപോലെയുള്ള വിചിത്രമായ ഒരു തമാശ മാത്രമാണ് ഈ പുതിയ നികുതിയിളവെന്ന് പ്രമുഖ പബ് ശൃംഖലയായ ‘അഡ്മിറൽ ടാവേൺസ്’ മേധാവി ക്രിസ് ജോവ്സി വിമർശിച്ചു. ലണ്ടനിലെ കെൻസിംഗ്ടണിലുള്ള ‘ദി ബ്ലൂ സ്റ്റൂപ്സ്’ എന്ന റെസ്റ്റോറന്റ് പുതിയ നിയമത്തിന്റെ പഴുതുകൾ പരമാവധി ഉപയോഗിച്ചാണ് ഈ ആഡംബര മെനു തയ്യാറാക്കിയിരിക്കുന്നത്.

ഭക്ഷണശാലകളിൽ നിന്ന് ഈ കുറഞ്ഞ നിരക്കിലുള്ള മെനു ഓർഡർ ചെയ്യുന്നവർ 18 വയസ്സിൽ താഴെയുള്ളവരാണോ എന്ന് പരിശോധിക്കാൻ നിയമപരമായ യാതൊരു ബാധ്യതയുമില്ലെന്നതാണ് ഈ പദ്ധതിയുടെ മറ്റൊരു പ്രത്യേകത. അതുകൊണ്ടുതന്നെ പബ്ബുകളിൽ പോകുന്ന മുതിർന്നവർ പോലും ഈ ആനുകൂല്യം നേടാൻ പ്രായം കുറച്ച് കാണിക്കേണ്ട അവസ്ഥയാണെന്ന് സൗത്ത് ലണ്ടനിലെ പബ് ഉടമയായ ക്ലെമന്റ് ഒഗ്ബൊണ്ണായ തമാശയായി പറഞ്ഞു

മിനിമം വേതന വർദ്ധനവ്, ഉയർന്ന നാഷണൽ ഇൻഷുറൻസ് വിഹിതം, ഇറാൻ യുദ്ധത്തിന്റെ പശ്ചാത്തലത്തിൽ കുതിച്ചുയരുന്ന ഊർജ്ജ ബില്ലുകൾ എന്നിവ കാരണം കടുത്ത പ്രതിസന്ധി നേരിടുന്ന തങ്ങൾക്ക് ഈ ഇളവ് കൺകെട്ടുവിദ്യ മാത്രമാണെന്ന് പബ് ഉടമകൾ ആരോപിക്കുന്നു. ബിസിനസ്സ് നടത്തുന്നവരെല്ലാം വലിയ പണക്കാരാണെന്ന ലേബർ സർക്കാരിന്റെ ചിന്താഗതി തെറ്റാണെന്നും പുതിയ നയങ്ങൾ ജീവനക്കാരെ നിലനിർത്തുന്നത് അസാധ്യമാക്കുകയാണെന്നും ലണ്ടനിലെ വൈൻ ബാർ ശൃംഖല ഉടമയായ മാറ്റ് ഫ്രാൻസിസ് കുറ്റപ്പെടുത്തി.