കുട്ടികളുടെ സുരക്ഷയിൽ വിട്ടുവീഴ്ചയില്ല! 16 വയസ്സിൽ താഴെയുള്ളവർക്ക് സോഷ്യൽ മീഡിയ നിയന്ത്രണം വരുന്നു.

16 വയസ്സിൽ താഴെയുള്ളവർക്ക് സോഷ്യൽ മീഡിയ വിലക്ക്; കുട്ടികളുടെ ഇന്റർനെറ്റ് ഉപയോഗത്തിൽ കടുത്ത നിയന്ത്രണങ്ങളുമായി ഗവൺമെന്റ്.

കുട്ടികളുടെ മാനസികാരോഗ്യവും സൈബര്‍ സുരക്ഷയും മുന്‍നിര്‍ത്തി സോഷ്യല്‍ മീഡിയ ഉപയോഗത്തിന് കടുത്ത നിയന്ത്രണങ്ങള്‍ ഏര്‍പ്പെടുത്താനൊരുങ്ങി ഗവൺമെന്റ്. 16 വയസ്സില്‍ താഴെയുള്ളവര്‍ക്ക് സാമൂഹ്യ മാധ്യമങ്ങള്‍ ഉപയോഗിക്കുന്നതിന് നിരോധനമോ അല്ലെങ്കില്‍ കടുത്ത നിയന്ത്രണമോ ഏര്‍പ്പെടുത്തുന്ന നിയമം ഈ വര്‍ഷം അവസാനത്തോടെ നിലവില്‍ വന്നേക്കും.

പ്രധാന നിയന്ത്രണങ്ങൾ ഇവയാണ്:

• സോഷ്യൽ മീഡിയ നിയന്ത്രണം: നിശ്ചിത പ്രായപരിധിയിലുള്ളവർക്ക് സോഷ്യൽ മീഡിയ പ്ലാറ്റ്‌ഫോമുകളിൽ അക്കൗണ്ട് തുടങ്ങുന്നതിനും ഉപയോഗിക്കുന്നതിനും നിയന്ത്രണമുണ്ടാകും.

• വിപിഎൻ (VPN) തടയും: പ്രായപരിധി മറികടന്ന് അശ്ലീല സൈറ്റുകളോ നിരോധിത ഉള്ളടക്കങ്ങളോ കാണുന്നതിനായി കുട്ടികൾ വിപിഎൻ ഉപയോഗിക്കുന്നത് കർശനമായി തടയും.

• എഐ ചാറ്റ്‌ബോട്ടുകൾക്ക് നിയന്ത്രണം: അനാരോഗ്യകരമായ ഡയറ്റ് പ്ലാനുകൾ (ദിവസം 600 കലോറി മാത്രം നിർദ്ദേശിക്കുന്നവ) നൽകുന്ന എഐ ചാറ്റ്‌ബോട്ടുകൾ കുട്ടികളിൽ സ്വാധീനം ചെലുത്തുന്നത് തടയാൻ അവയിലേക്കുള്ള ആക്സസ് പരിമിതപ്പെടുത്തും.

നടപടികൾ വേഗത്തിലാക്കാൻ ഗവൺമെന്റ്

കുട്ടികളുടെ സൈബർ സുരക്ഷയുടെ കാര്യത്തിൽ ഒരു വിട്ടുവീഴ്ചയ്ക്കും തയ്യാറല്ലെന്ന് പ്രധാനമന്ത്രി വ്യക്തമാക്കി. ഈ വിഷയത്തിൽ പൊതുജനങ്ങളുടെയും വിദഗ്ധരുടെയും അഭിപ്രായം തേടുന്നതിനുള്ള കൺസൾട്ടേഷൻ അടുത്ത മാസം ആരംഭിക്കും.

“എഐ ചാറ്റ്‌ബോട്ടുകൾ കുട്ടികളിൽ ചെലുത്തുന്ന സ്വാധീനത്തെ കുറിച്ച് വലിയ ആശങ്കയുണ്ട്. മൂന്ന് മാസത്തിനുള്ളിൽ കൺസൾട്ടേഷൻ റിപ്പോർട്ട് പൂർത്തിയാക്കി ഈ വർഷം തന്നെ നിയമഭേദഗതി കൊണ്ടുവരാനാണ് ലക്ഷ്യമിടുന്നത്.” – ലിസ് കെൻഡാൾ, ടെക്നോളജി സെക്രട്ടറി

ലക്ഷ്യമിടുന്നത് സുരക്ഷിതമായ ഭാവി

സ്മാർട്ട്ഫോണുകളുടെയും ഇന്റർനെറ്റിന്റെയും അമിത ഉപയോഗം കുട്ടികളുടെ പഠനത്തെയും ആരോഗ്യത്തെയും ബാധിക്കുന്നുവെന്ന റിപ്പോർട്ടുകളുടെ അടിസ്ഥാനത്തിലാണ് ഈ നീക്കം. നിയമം നിലവിൽ വരുന്നതോടെ കുട്ടികളുടെ ഓൺലൈൻ പ്രവർത്തനങ്ങളിൽ മാതാപിതാക്കൾക്കും അധികൃതർക്കും കൂടുതൽ മേൽനോട്ടം വഹിക്കാൻ സാധിക്കും