പ്രൈവറ്റ് പാർക്കിംഗ് ചൂഷണങ്ങൾക്ക് തടയിടാൻ യുകെ സർക്കാർ; പുതിയ നിയമങ്ങൾ പ്രഖ്യാപിച്ചു.

ലണ്ടൻ: സ്വകാര്യ പാർക്കിംഗ് കേന്ദ്രങ്ങളിൽ ഡ്രൈവർമാർ നേരിടുന്ന അന്യായമായ പിഴ ചുമത്തലുകൾക്കും ചൂഷണങ്ങൾക്കും തടയിടാൻ പുതിയ കടുപ്പിച്ച നിയമങ്ങൾ പ്രഖ്യാപിച്ച് യുകെ സർക്കാർ. ഡ്രൈവർമാരിൽ നിന്ന് അനാവശ്യമായി ഉയർന്ന തുക ഈടാക്കുന്ന പ്രവണത അവസാനിപ്പിക്കുമെന്ന് പ്രധാനമന്ത്രി ആന്റി ബർണാം വ്യക്തമാക്കി.

പാർക്കിംഗ് തുക അടയ്ക്കാനും പുറത്തുപോകാനും അധിക സമയം (Grace Period), വണ്ടി കേടാവുകയോ മെഷീനുകൾ പ്രവർത്തനരഹിതമാകുകയോ ചെയ്യുമ്പോൾ പിഴ ഒഴിവാക്കൽ, നമ്പർ പ്ലേറ്റ് തെറ്റായി രേഖപ്പെടുത്തുന്നത് പോലുള്ള ചെറിയ തെറ്റുകൾക്ക് പിഴ തുക പരമാവധി £20 ആയി കുറയ്ക്കൽ തുടങ്ങിയ ആശ്വാസ നടപടികളാണ് പുതിയ നിയമത്തിൽ ഉൾപ്പെടുത്തിയിരിക്കുന്നത്. പുതിയ പെരുമാറ്റച്ചട്ടം ലംഘിക്കുന്ന സ്വകാര്യ പാർക്കിംഗ് ഏജൻസികൾക്ക് ഡിവിഎൽഎ (DVLA) ഡാറ്റാബേസ് ഉപയോഗിക്കാനുള്ള അനുമതി നഷ്ടമാകും. ഇംഗ്ലണ്ട്, സ്കോട്ട്‌ലൻഡ്, വെയ്‌ൽസ് എന്നിവിടങ്ങളിൽ ഈ പുതിയ ചട്ടങ്ങൾ പ്രാബല്യത്തിൽ വരും.