ഹൈസ്‌കൂളുകളിൽ മൊബൈൽ ഫോൺ നിരോധനം നടപ്പിലാക്കാൻ ഫ്രാൻസ്: ആശങ്കയിൽ അധ്യാപക യൂണിയനുകൾ.
പാരിസ്: ഫ്രഞ്ച് ഹൈസ്‌കൂളുകളിൽ (Lycées) വിദ്യാർത്ഥികൾ മൊബൈൽ ഫോൺ ഉപയോഗിക്കുന്നത് നിരോധിച്ചുകൊണ്ടുള്ള ഉത്തരവ് സെപ്റ്റംബർ മുതൽ നടപ്പിലാക്കാൻ ഫ്രഞ്ച് സർക്കാർ ഒരുങ്ങുന്നു. കുട്ടികളുടെ സ്‌ക്രീൻ സമയം കുറയ്ക്കുന്നതിനായി പ്രസിഡന്റ് ഇമ്മാനുവൽ മാക്രോൺ മുന്നോട്ടുവെച്ച തീരുമാനത്തിന്റെ ഭാഗമായാണ് 15 മുതൽ 18 വയസ്സ് വരെയുള്ള കുട്ടികൾ പഠിക്കുന്ന ഹൈസ്‌കൂളുകളിലേക്കും നിരോധനം വ്യാപിപ്പിച്ചത്. പ്രാഥമിക, മിഡിൽ സ്‌കൂളുകളിൽ നിലവിൽ ഫോൺ നിരോധനം പ്രാബല്യത്തിലുണ്ട്.
എന്നാൽ ഇത്രയും കുറഞ്ഞ സമയത്തിനുള്ളിൽ നിർദ്ദേശം പ്രായോഗികമാക്കുന്നതിൽ വലിയ വെല്ലുവിളിയുണ്ടെന്ന് അധ്യാപക സംഘടനകൾ വ്യക്തമാക്കുന്നു. സ്‌കൂൾ ചട്ടങ്ങളിൽ മാറ്റം വരുത്താൻ വോട്ടെടുപ്പും കൂടിയാലോചനകളും ആവശ്യമാണ്. കൂടാതെ ടൈംടേബിൾ അറിയാനും ലൈബ്രറി സേവനങ്ങൾക്കും ഉച്ചഭക്ഷണത്തിനുമായി വിദ്യാർത്ഥികൾ മൊബൈൽ ആപ്പുകളെ ആശ്രയിക്കുന്നതും വലിയ പ്രതിസന്ധി സൃഷ്ടിക്കുന്നുണ്ട്. 15 വയസ്സിന് താഴെയുള്ള കുട്ടികൾക്ക് സോഷ്യൽ മീഡിയ നിരോധിക്കാനുള്ള മാക്രോണിന്റെ മറ്റൊരു നിർദ്ദേശം ഭരണഘടനാ വിരുദ്ധമാണെന്ന് ചൂണ്ടിക്കാട്ടി കോടതി റദ്ദാക്കിയിരുന്നു
