ജെ ക്ലേട്ടൺ യു.എസ് നാഷണൽ ഇന്റലിജൻസ് ഡയറക്ടർ: പരിചയസമ്പത്തില്ലാത്ത നിയമനം ശരിവെച്ച് സെനറ്റ്!

വാഷിംഗ്ടൺ ഡി.സി: യു.എസ് നാഷണൽ ഇന്റലിജൻസ് പുതിയ ഡയറക്ടറായി ജെ ക്ലേട്ടണെ (Jay Clayton) യു.എസ് സെനറ്റ് സ്ഥിരീകരിച്ചു. ഡൊണാൾഡ് ട്രംപിന്റെ നിർദ്ദേശപ്രകാരമുള്ള ഈ നിയമനത്തിന് മുൻപ് ഇന്റലിജൻസ് മേഖലയിൽ ക്ലേട്ടണ് മുൻപരിചയമില്ലെന്ന ശക്തമായ വിമർശനങ്ങൾ നിലനിന്നിരുന്നു. എങ്കിലും, എതിർപ്പുകളെ മറികടന്ന് 51-നെതിരെ 47 വോട്ടുകൾക്കാണ് സെനറ്റ് അദ്ദേഹത്തിന്റെ നിയമനം അംഗീകരിച്ചത്.

കഴിഞ്ഞ മാസം രാജി വെച്ച തുളസി ഗബ്ബാർഡിന് പകരക്കാരനായാണ് ക്ലേട്ടൺ ഈ ചുമതല ഏറ്റെടുക്കുന്നത്. ഇറാൻ അണുവായുധം നിർമ്മിക്കുന്നില്ലെന്നും അറ്റാക്കിന് മുമ്പ് യു.എസ് ഇന്റലിജൻസ് ഏജൻസികൾ ഇത് ശരിവെച്ചിരുന്നതാണെന്നും ഗബ്ബാർഡ് നേരത്തെ പ്രസ്താവിച്ചിരുന്നു. തുടർന്ന് ആക്ടിംഗ് ഡയറക്ടറായി പ്രവർത്തിച്ചിരുന്ന ട്രംപ് അനുകൂലിയായ ബിൽ പുൾട്ടെയിൽ നിന്നാണ് ക്ലേട്ടൺ ഇനി സ്ഥാനം ഏറ്റെടുക്കുക.

സെനറ്റ് സ്ഥിരീകരണത്തിനായുള്ള വിചാരണ വേളയിൽ 2020-ലെ യു.എസ് പ്രസിഡന്റ് തിരഞ്ഞെടുപ്പിൽ ജോ ബൈഡൻ വിജയിച്ച കാര്യം തുറന്നുപറയാൻ ക്ലേട്ടൺ വിസമ്മതിച്ചിരുന്നു. കൂടാതെ, കാലിഫോർണിയയിലെ വോട്ടെണ്ണൽ വൈകിയത് തട്ടിപ്പിന്റെ സൂചനയാണെന്ന ആരോപണവും ടെലിവിഷൻ അഭിമുഖത്തിൽ അദ്ദേഹം ഉന്നയിച്ചിരുന്നു. ഇത് അദ്ദേഹത്തിന്റെ നിഷ്പക്ഷതയെക്കുറിച്ചുള്ള സംശയങ്ങൾക്ക് വഴിവെച്ചു.

നിയമപ്രകാരം നാഷണൽ ഇന്റലിജൻസ് തലപ്പത്ത് വരേണ്ടവർക്ക് ആവശ്യമായ ഇന്റലിജൻസ് പരിചയസമ്പത്ത് ഇല്ലാത്തതാണ് ക്ലേട്ടന്റെ നിയമനത്തിൽ പ്രധാന തടസ്സമായി ഉയർന്നുവന്നത്. എങ്കിലും, പാർട്ടി പിന്തുണയോടെ സെനറ്റ് അംഗീകാരം നേടിയതോടെ അമേരിക്കയുടെ രഹസ്യാന്വേഷണ ഏ