കൺസിംഗ്റ്റൺ കെമി’, ടോറികളുമായി സഖ്യം ചേരുന്നത് ‘ശവ ശരീരത്തിൽ ചങ്ങലക്കിടുന്നതിന്’ തുല്യം: കെമി ബാഡെനോക്കിനെതിരെ രൂക്ഷ വിമർശനവുമായി റോബർട്ട് ജെൻറിക്

ലണ്ടൻ: കൺസർവേറ്റീവ് പാർട്ടി നേതാവ് കെമി ബാഡെനോക്കിനെയും (Kemi Badenoch) ടോറി പാർട്ടിയെയും രൂക്ഷമായി വിമർശിച്ച് റിഫോം യുകെ (Reform UK) വക്താവും മുൻ കൺസർവേറ്റീവ് നേതാവുമായ റോബർട്ട് ജെൻറിക്. കൺസർവേറ്റീവ് പാർട്ടി ലണ്ടനിലെ സമ്പന്നരുടെ മാത്രം പാർട്ടിയായി മാറിയെന്നും അവരുമായി സഖ്യമുണ്ടാക്കുന്നത് ഒരു ‘ശവ ശരീരത്തിൽ ചങ്ങലക്കിടുന്നതിന്’ (handcuffed to a zombie) തുല്യമാണെന്നും അദ്ദേഹം പരിഹസിച്ചു.

കെമി ബാഡെനോക്കിനെ ‘കൺസിംഗ്റ്റൺ കെമി’ (Kensington Kemi) എന്ന് വിശേഷിപ്പിച്ച ജെൻറിക്, സാധാരണക്കാരായ തൊഴിലാളികളെക്കാൾ ലണ്ടനിലെ കോടീശ്വരന്മാരുടെയും മേഫെയർ ക്ലബ്ബുകളിൽ പോകുന്നവരുടെ അനാവശ്യ പരാതികൾ തീർക്കുന്നവരുടെ പ്രീതി സമ്പാദിക്കാനാണ് ടോറികൾ ശ്രമിക്കുന്നതെന്ന് ആരോപിച്ചു.

വരാനിരിക്കുന്ന തിരഞ്ഞെടുപ്പിൽ കൺസർവേറ്റീവ് പാർട്ടിയുമായി യാതൊരുവിധ രാഷ്ട്രീയ സഖ്യത്തിനും റിഫോം യുകെ തയ്യാറല്ലെന്നും അദ്ദേഹം വാർത്താസമ്മേളനത്തിൽ വ്യക്തമാക്കി.