യുകെയിൽ ‘മനോസ്ഫിയർ’ ആശങ്ക: സ്ത്രീവിരുദ്ധത തടയാൻ 1.5 കോടി പൗണ്ടിന്റെ അടിയന്തര ഫണ്ട് പ്രഖ്യാപിച്ചു.
ലണ്ടൻ: തൊഴിലിടങ്ങളിലും വിദ്യാലയങ്ങളിലും പൊതുസ്ഥലങ്ങളിലും വർദ്ധിച്ചുവരുന്ന സ്ത്രീവിരുദ്ധതയും അപമാനിക്കലുകളും തടയുന്നതിനായി 1.5 കോടി പൗണ്ടിന്റെ (£15m) പ്രത്യേക ദേശീയ ഫണ്ട് പ്രഖ്യാപിച്ച് യുകെ സർക്കാർ. സോഷ്യൽ മീഡിയയിലൂടെ പ്രചരിക്കുന്ന “മനോസ്ഫിയർ” (Manosphere) സ്വാധീനങ്ങളും സ്ത്രീവിരുദ്ധ ആശയങ്ങളും ചെറുക്കുക എന്ന ലക്ഷ്യത്തോടെയാണ് ചരിത്രത്തിലാദ്യമായി ഇത്തരമൊരു ഫണ്ട് രൂപീകരിക്കുന്നത്.
വുമൺ ആൻഡ് ഇക്വാലിറ്റീസ് മിനിസ്റ്റർ ബ്രിഡ്ജറ്റ് ഫിലിപ്പ്സൺ (Bridget Phillipson) ആണ് ഈ പദ്ധതിക്ക് നേതൃത്വം നൽകുന്നത്. വരാനിരിക്കുന്ന പുതിയ ബജറ്റിൽ ചാൻസലർ ജോൺ ഹീലി ഈ തുക ഔദ്യോഗികമായി വകയിരുത്തും.
യുവാക്കൾക്കുള്ള മെന്ററിംഗ്, തൊഴിലിടങ്ങളിലെ ബോധവൽക്കരണം, സ്ത്രീ സുരക്ഷ ഉറപ്പാക്കാനുള്ള ക്യാമ്പയിനുകൾ എന്നിവയ്ക്കായി വിവിധ സംഘടനകൾക്ക് ഈ ഫണ്ടിൽ നിന്ന് തുക കൈപ്പറ്റാം. കൂടാതെ, വൻകിട കോർപ്പറേറ്റ് പങ്കാളികളിൽ നിന്നും ജീവകാരുണ്യ പ്രവർത്തകരിൽ നിന്നും കൂടുതൽ തുക സമാഹരിക്കാനും സർക്കാർ ലക്ഷ്യമിടുന്നു.
സ്ത്രീകൾക്കെതിരായ ദൈനംദിന അധിക്ഷേപങ്ങൾക്കും വിവേചനങ്ങൾക്കും ആധുനിക ബ്രിട്ടനിൽ സ്ഥാനമില്ലെന്ന് മിനിസ്റ്റർ ബ്രിഡ്ജറ്റ് ഫിലിപ്പ്സൺ പറഞ്ഞു. ഈ തുകയ്ക്ക് പുറമെ, സ്കൂളുകളിൽ ആൺകുട്ടികൾക്കിടയിലെ ഓൺലൈൻ തീവ്രവാദവും സ്ത്രീവിരുദ്ധ ചിന്തകളും തടയുന്നതിനായി 2 കോടി പൗണ്ടിന്റെ (§20m) മറ്റൊരു പ്രത്യേക പദ്ധതിയും സർക്കാറിന്റെ പരിഗണനയിലുണ്ട്.
